Lapha elektrovnnalaš áššiiddikšunbálvalusa diehtosuodječilgehus

Registtardoalli dieđiheapmi registrerejuvvon olbmui, artihkal 12 EU almmolaš diehtosuodjeásahus (2016/679 artihkkalat 13,14) Almmustahtton: 11.1.2023

Registtardoalli

Lappi buresveadjinguovlu / guovlluhálddahus PL 8041, 96400 Roavvenjárga

Registara vástoolmmoš

Ovddidanjođiheaddji Mikko Häikiö PL 8041, 96101 Roavvenjárga 040 772 7211 mikko.haikio@lapha.fi

Registara oktavuođaolmmoš

Bálvalushoavda Piia Hirvonen 040 186 0950 piia.hirvonen@lapha.fi

Diehtosuodjevástideaddji

Nuorta- ja máttaviesttarbálvalusguovlu, spesiálabuohccedikšu: Diehtosuodjevástideaddji Eija Kivekäs 040 689 1145 Davvi- ja máttanuorti bálvalusguovlu Kolpene, Gádjunlágádus: Diehtosuodjevástideaddji Teija Karvonen 040 480 7809 Šleađgapoasta: tietosuojavastaava@lapha.fi Poastačujuhus: Tietosuojavastaava, PL 8041, 96400 Roavvenjárga.

Heaggadieđuid gieđahallama lágalašvuohta

A) Almmolaš ovdu/Almmolaš válddi geavaheapmi: Lágas mearriduvvon geatnegasvuohta. Diehtosuodjeásahus 6 artihkal c, e Miehtan B) Registtar lea almmoshálddahusa eaktodáhtolaš doaimma registtar C) Registara dieđut eai adnojuvvo automatiserejuvvon ovttaskasmearrádusaide, sisttisdoallá profilerema

Heaggadieđuid gieđahallama ulbmil

Digitála áššehasbálvalusat fállojuvvojit sierra geavahanulbmiliidda. Dat fállet ovdamearkka dihte áigevárremiid, dearvvasvuhtii dahje eallindillái laktáseaddji ovda- ja čuovvolahttindieđuid, dávdamearka- ja bálvalanárvvoštallamiid, diehtodorvvolaš oktavuođa ja dieđugaskkusteami sosiála- ja dearvvasvuođafuolahusa ámmátolbmuiguin, sihke áššiiddikšuma gáiddusdeaivvadeami dahje chat bokte. Digitála áššehasbálvalusat dahket vejolažžan elektrovnnalaš áššiiddikšuma sosiála- ja dearvvasvuođabálvalusaide. Registtar lea oaivvilduvvon Lappi buresveadjinguovllu ássiid sosiála- ja dearvvasvuođabálvalusaide laktáseaddji dieđuid ja heaggadieđuid stivremii dan viidodagas, go dat lea vejolaš bálvalussii, mii fállojuvvo.

Registara diehtosisdoallu, govvádus registrerejuvvon joavkkuin ja heaggadiehtotiippain

Dieđut, mat čoggojuvvojit bálvalusas: áššehasa namma, persovdnadovddaldat, telefonnummir, šleađgapoastačujuhus, ámmátolbmo namma, bálvalusa čađaheamis šaddan dieđut dan mielde, makkár lea fállojuvvon bálvalusa sisdoallu. Geavaheaddji sáhttá bajásdoallat iežas mátketelefonnummira ja šleađgapoastačujuhusa bálvalusas. Daid dieđuid sáhttet atnit bálvalusas šleađgapoasttain dahje teakstadieđuin doaimmahuvvon automáhtalaš almmuhusaid dahjege muittuhandieđáhusaid sáddemii. Dávjá áššiiddikšunbálvalussii sisa čáliheapmi ja bálvalusa geavaheapmi eaktudit álo nana identifiserenvuogi geavaheami. Bálvalussii identitehta duođaštuvvo diehtodorvvolaš Suomi.fi-identifiserema geavahemiin. Oassi digitála bálvalusain, omd. áigevárren ja vuollegis šielmmá oktavuođaváldinbivdagat eai álo gáibit nana identifiserema bálvalusa geavaheaddjis, muhto identifiseremii sáhttá leat doarvái ovdamearkka dihte namma ja telefonnummir. Bálvalusfálli mearrida, man viidodagas bálvalus fállojuvvo ja makkár lea dan sisdoallu. Bálvalusas ožžojuvvon dieđut sáhttet vurkejuvvot eará áššehas- dahje buhcciiddiehtovuogádahkii láhkaásahusa suovvan vugiin.

Heaggadieđuid diehtogáldut

Bálvalusa geavaheaddji áššehasa buvttadan diehtu, oassi dieđuin sáhttá vižžot nana identifiserema oktavuođas álbmotdiehtovuogádagas, ámmátolbmo dahkan girjemat áššehasa bálvalusa čađaheamis.

Heaggadieđuid luobaheamit – heaggadieđuid vuostáiváldit

Heaggadieđuid vuostáiváldit leat Sosiála- ja dearvvasvuođafuolahusa ámmátolbmot. Dieđut eai njuolggaduslaččat luobahuvvo.

Dieđuid sirdin EU dahje ETA olggobeallai/goalmmát riikkaide

Dieđut eai sirdojuvvo EU dahje ETA-guovllu olggobeallai. Jos dieđuid lea dárbu sirdit, guoskaduvvojit EU-diehtosuodjeásahusa 44-46 artihkkalat.

Dieđuid seailluheapmi ja seailluhanáigi

Digitála áššiiddikšunbálvalusaid dieđut girjejuvvojit áššehas- ja buhcciiddiehtovuogádahkii, gos váldoprinsihppan lea, ahte diehtu seailluhuvvo 12 j jápmima maŋŋá dahje jos jápmináigi ii dieđus de 120 jagi riegádeamis, man maŋŋá dieđut duššaduvvojit.

Dieđuid suodjaleami prinsihpat

Bargiin, geat gieđahallet áššehasa guoski dieđuid, lea lágas mearriduvvon jávohisvuođageatnegasvuohta. Čiegusindoallan- ja jávohisvuođageatnegasvuohta joatkašuvvá bálvalangaskavuođa nohkama maŋŋáge. Registara diehtodorvvolašvuohta ja heaggadieđuid luhtolašvuohta, ovttaideapmi ja anihahttivuohta sihkkarastojuvvojit áššáigullevaš teknihkalaš ja organisatoralaš doaibmabijuiguin. Bálvalusain lea anus spesifiserejuvvon identifiseren ráddjejuvvon geavahanvuoigatvuođaiguin bargobihtáid mielde. Áššehasa dieđuid sáhttet gieđahallat dušše dat bargit, geat dárbbašit daid áššehasa áššiid divššodettiin. Loggadieđuid vuođul sáhttet maŋálgihtii sihkkarastit ja duođaštit, gii lea vurken, rievdadan dahje sirdán heaggadieđuid. Identifiseremii geavahuvvo dábálaččat sode-ámmátkoarta. Diehtojohtalus lea suddjejuvvon ja krypterejuvvon. Digitála áššiiddikšunbálvalusaid geavaheamis dahkko bálvalussii guoskevaš elektrovnnalaš áššiiddikšuma soahpamuš. Bálvalusaid geavaheaddji lea geatnegahtton geavahit bálvalusa daid geavahaneavttuid, EU almmolaš diehtosuodjeásahusa, našuvnnalaš láhkaásaheami, eiseváldemearrádusaid ja buori dábi mielde.

REGISTREREJUVVON OLBMO VUOIGATVUOĐAT

Bivdda galgá dahkkot čálalaččat registtardoalli oktavuođaolbmui. Ráva ja skovit sierra bivdagiid dahkamii gávdnojit Lappi buresveadjinguovllu neahttasiidduin Dieđuoažžunvuoigatvuođat.

Registrerejuvvon olbmo dárkkistanvuoigatvuohta (artihkal 15)

Registaris leahkkis lea vuoigatvuohta dárkkistit, mat dieđut su birra leat registaris. Dasa lassin registrerejuvvon olbmos lea vuoigatvuohta oažžut su guoski heaggadieđuid, maid son lea doaimmahan registtardoallái, strukturerejuvvon, almmolaččat adnojuvvon ja mašiinnain logahahtti hámis.

Vuoigatvuohta gáibidit dieđu divvuma (artihkal 16)

Registrerejuvvon olbmos lea vuoigatvuohta gáibidit, ahte registtardoalli njulge almmá dárbbašmeahttun ájiheami haga registrerejuvvon olbmui guoski eahpedárkilis ja boasttoheaggadieđuid. Nuppástusevttohusat dahkkojuvvojit čálalaččat registtardoallái.

Vuoigatvuohta dahkat váidaga bearráigeahččaneiseváldái (artihkal 77)

Jos registrerejuvvon geahččá, ahte su guoski heaggadieđuid gieđahallamis rihkkojuvvojit heivvolaš diehtosuodjenjuolggadusat dahje vuoigatvuođaid čađaheamis biehttaluvvo, addojuvvo áššehassii čálalaš vástádus biehttaleami vuođustusas. Áššehasas lea vuoigatvuohta doalvut ášši diehtosuodjeáittardeaddjái čoavdinláhkai čujuhusas Tietosuojavaltuutetun toimisto, PL 800, 00531 Helsset. Dárkilut rávvagat váidaga dahkamii gávdnojit diehtosuodjeáittardeaddji doaimmahusa interneahttasiidduin almmuhus-diehtosuodjeáittardeaddjái

Vuoigatvuohta oažžut dieđu diehtodorvoloavkideamis (artihkal 34)

Registrerejuvvon olbmos lea vuoigatvuohta oažžut dieđu registtardoallis almmá dárbbašmeahttun ájiheami, go heaggadieđuid diehtodorvoloavkideapmi árvideamis dagaha alla riskka lunddolaš olbmuid vuoigatvuođaide ja friddjavuođaide.

Heaggadieđuid gieđahallamii laktáseaddji eará vuoigatvuođat (17-22 artihkal)

Miehtamii vuođđudeaddji gieđahallama šluhtten

Registrerejuvvon olbmos lea vuoigatvuohta šluhttet su addin miehtama goas beare almmá, ahte dat váikkuha miehtama vuođul ovdal dahkkon gieđahallama lágalašvuhtii.

Vuoigatvuohta šaddat vajáldahttot

Olbmos sáhttá dihto spiehkastatdáhpáhusain leat vuoigatvuohta oažžut iežas heaggadieđuid oppalaččat sihkkojuvvot Lappi buresveadjinguovllu registaris almmá dárbbašmeahttun ájiheami haga dainna eavttuin, ahte heaggadieđut eai šat dárbbašuvvo daidda ulbmiliidda, maid várás dat čoggojuvvojedje dahje maid várás dat muđuid gieđahallojuvvojedje; registrerejuvvon olmmoš šluhtte miehtama, masa gieđahallan lea vuođđuduvvan, iige gieđahallamii leat eará lágalaš vuođuštus; heaggadieđut leat gieđahallojuvvon lágavuostásaččat; dahje heaggadieđut galget sihkkojuvvot, vai čuvvojuvvo uniovnna dahje našuvnnalaš láhkaásaheapmái vuođđuduvvi lágas mearriduvvon geatnegasvuohta. Dákkár vuoigatvuohta ii goittotge leat dalle, go heaggadieđuid gieđahallan vuođđuduvvá láhkii dahje Lappi buresveadjinguvlui gulli almmolaš válddi geavaheapmái.

Vuoigatvuohta gieđahallama ráddjemii

Olbmos sáhttá leat dihto dáhpáhusain vuoigatvuohta bivdit iežas heaggadieđuid ráddjema dan boddii, go su dieđut leat áššáigullevaččat dárkkistuvvon ja divvojuvvon dahje dievasmahttojuvvon.

Vuoigatvuohta sirdit dieđuid vuogádagas nubbái

Vuoigatvuohta ii heivehuvvo Lappi buresveadjinguovllu olmmošregistariidda, go heaggadieđut leat čoggojuvvon almmolaš ovddu guoski doaimma čađaheami dahje registtardoallái gulli almmolaš válddi geavaheami várás. Vuoigatvuohta leat šattakeahttá dakkár mearrádusa čuozáhahkan, mii vuođđuduvvá dušše beare automáhtalaš gieđahallamii, dego profileremii ja mas leat su guoski vuoigatvuođaváikkuhusat dahje mii čuohcá sutnje vástideaddji láhkai.