Lapha šleđgâlii ášástâllâmpalvâlus tiätusyejičielgim
Registertuállee tiäđu adelem registeristum ulmui, artikkâl 12 EU almolâš tiätusyejiasâttâs (2016/679 artikkâleh 13,14)
Almostittum: 11.1.2023
Registertuállee
Laapi pyereestvaijeemkuávlu / kuávlustivrâ PL 8041, 96400 Rovaniemi/Ruávinjargâ
Register ovdâsvástádâsolmooš
Ovdedemjođetteijee Mikko Häikiö PL 8041, 96101 Rovaniemi/Ruávinjargâ 040 772 7211 mikko.haikio@lapha.fi
Register ohtâvuotâolmooš
Palvâlemhovdâ Piia Hirvonen 040 186 0950 piia.hirvonen@lapha.fi
Tiätusyejivästideijee
Nuorttâ já maadâviestâr palvâlemkuávlu, eromâšpyecceitipšo: Tiätusyejivästideijee Eija Kivekäs 040 689 1145 Tave já maadânuorttâ palvâlemkuávlu, Kolpene, Kááijumlájádâs: Tiätusyejivästideijee Teija Karvonen 040 480 7809 Šleđgâpostâčujottâs: tietosuojavastaava@lapha.fi Postâčujottâs: Tiätusyejivästideijee, PL 8041, 96400 Rovaniemi.
Persovntiäđui kietâdâllâm lavâlâšvuotâ
A) Almolâš hiätu/Almolii vääldi kevttim: Lahâaasâtlâš kenigâsvuotâ. Tiätusyejiasâttâs 6 artikkâl c, e Miettâm B) Register lii almoshaldâttuv iävtutátulii tooimâ register C) Register tiäđuid iä keevti automatisistum ovtâskâsmiärádâssáid, profilistem täst mieldi meiddei
Persovntiäđui kietâdâllâm tárguttâs
Digitaallijd ášástâllâmpalvâlusâid fäälih jieškote-uv kevttimtárguttâssáid. Falâlduv siste láá ovdâmerkkân äigiväärridmeh, tiervâsvuotân tâi eellimtilán lohtâseijee mune- já čuávvumtiäđuh, tavdâmerkkâ- já palvâlemárvuštâlmeh, tiätutorvolâš ohtâvuotâ já viestâsirdem sosiaal- já tiervâsvuotâhuolâttâs áámmátulmuid sehe ášástâllâm káidusteivâdem tâi chat peht. Digitaalliih ášástâllâmpalvâlusah taheh máhđulâžžân šleđgâlii ášástâllâm sosiaal- já tiervâsvuotâpalvâlusâin. Register lii uáivildum Laapi pyereestvaijeemkuávlu ässei sosiaal- já tiervâsvuotâpalvâlussáid lohtâseijee tiäđui sehe persovntiäđui haaldâšmân ton viijđesvuođâst, ko tot lii máhđulâš ton palvâlus tááhust, maid fäälih.
Register tiätusiskáldâs, registeristum ulmui juávhui já persovntiätutiijpâi kuvvim
Tiäđuh, maid palvâlusâst čuággih, láá äššigâs nommâ, persovntubdâldâh, puhelinnummeer, šleđgâpostâčujottâs, áámmátulmuu nommâ já palvâlusâi olášutmist šoddâm tiäđuh, moh láá kiddâ tast, maid siskáldâsâid palvâlusâst fäälih. Kevttee puáhtá paijeentoollâđ palvâlusâst jieijâs mätkipuhelinnummeer sehe šleđgâpostâčujottâs. Täid tiäđuid pyehtih kevttiđ palvâlusâst toos, ete vuolgâtteh šleđgâpostáin tâi tekstâsavváin almottâsâid ađai koccááttemsaavâid Távjá ášástâllâmpalvâlusân siisâčáládâttâm já palvâlus kevttim väätih ain noonâ tubdâmyvevi kevttim. Palvâlusân kalga tubdâttâttâđ nuuvt, ete kiävttá tiätutorvolii Suomi.fi-tubdâm. Uási digitaallijn palvâlusâin, om. äigiväridem sehe älkkeht juksâmnáál orroo ohtâvuođâväldimtáttumeh iä ain vaađâ noonâ tubdâm palvâlus kevttest, peic tubdâmân puáhtá pijssáđ ovdâmerkkân nommâ já puhelinnummeer. Palvâluspuovtâdeijee meerrid, mon viijđesvuođâst já maid siskáldâsâid sij palvâlusâst fäälih. Tiäđuid, moh puátih palvâlusâin, pyehtih vuorkkiđ sierânâs äššigâs- tâi pyecceetiätuvuáhádâhân vuovvijn, mast lahâasâttem aasât.
Persovntiäđui tiätukäldeeh
Tiätu, mon puovtâd äššigâs, kote kiävttá palvâlus: uási tiäđuin puáhtá puáttiđ noonâ tubdâm ohtâvuođâst aalmugtiätuoornigist. Kirjiimeh, maid taha áámmátolmooš: tiäđuh puátih äššigâs palvâlus olášutmist.
Persovntiäđui addelmeh - persovntiäđui vuástáväldeeh
Persovntiäđui vuástáväldeeh láá sosiaal- já tiervâsvuotâhuolâttâs áámmátulmuuh. Lii njuolgâdâslâš, ete tiäđuid iä addel.
Tiäđui sirdem EU tâi ETA ulguubel/ kuálmád enâmáid
Tiäđuid iä sirde Eu tâi Eta-kuávlu ulguubel. Jis tiäđuid lii taarbâšlâš sirdeđ, heiviittuvvojeh Eu-tiätusyejiasâttâs 44-46 artikkâleh.
Tiäđui siäiluttem já siäiluttemäigi
Digitaallij ášástâllâmpalvâlusâi tiäđuid kirjejeh äššigâs- tâi pyecceetiätuvuáhádâhân, mast válduvuáđujuurdân lii, ete tiätu siäiluttuvvoo 12 ihheed jäämmim maŋa tâi jis jäämmimäigi ij lah tiäđust, te 120 ihheed šoddâmist, mon maŋa tiäđuid tuššâdeh.
Tiäđui suoijim vuáđujurduuh
Pargein, kiäh kietâdâleh äššigâsân kyeskee tiäđuid, lii lahâaasâtlâš joskâorroomkenigâsvuotâ. Syeligâsâsttoollâm- já joskâorroomkenigâsvuotâ juátkoo palvâluskoskâvuođâ nuuhâm maŋa-uv. Register tiätutorvolâšvuotâ sehe persovntiäđui luáttámušlâšvuotâ, čavosvuotâ já anettitteevuotâ visásmittoo ääšimiäldásij teknisij já organisatorisij toimâigijn. Palvâlusâin lii kiävtust sierrejum tubdâm räijejum kevttimvuoigâdvuođâigijn, mii lii kiddâ pargee pargoin. Äššigâs tiäđuid uážžuh kietâdâllâđ tuše toh pargeeh, kiäh tarbâšeh taid, ko tipšoh äššigâs aašijd. Lokitiäđui vuáđuld pyehtih maŋadist visásmittiđ já tuođâštiđ, ete kii lii persovntiäđuid vuorkkim, nubástittám tâi sirdám. Tubdâmân kevttih almolávt soti-áámmátkoortâ. Tiätujotolâh lii syeijejum já čiehhum. Digitaallij ášástâllâmpalvâlusâi kevttimist taheh palvâluskuáttásii šleđgâlii ášástâllâm sopâmuš. Palvâlusâi kevttee lii kenigâs kevttiđ palvâlus tai kevttimiävtui, EU almolii tiätusyejiasâttâs, aalmuglii lahâasâttem, virgeomâhâšmiäruštâlmij já pyere vyevi miäldásávt.
REGISTERISTUM ULMUU VUOIGÂDVUOĐAH
Táttum kalga toohâđ kirjálávt registertuállee ohtâvuotâulmui. Raavâ já luámáttuvah jieškote-uv táttumij tohâmân láá Laapi pyereestvaijeemkuávlu nettisiijđoin Tiäđu-uážžumvuoigâdvuotâ.
Registeristum ulmuu tärhistemvuoigâdvuotâ (artikkâl 15)
Registerist orroo ulmust lii vuoigâdvuotâ tärhistiđ, moh tiäđuid sust láá registerist. Lasseen registeristum ulmust lii vuoigâdvuotâ uážžuđ sunjin kyeskee persovntiäđuid, maid sun lii toimâttâm registertuállei, čovdâččum, almolávt kevttum já tiätturáin luvâttittee häämist.
Vuoigâdvuotâ vaattâđ tiäđu tivvoom (artikkâl 16)
Registeristum ulmust lii vuoigâdvuotâ vaattâđ, ete registertuállee njyelgee äšittes äjittáá registeristum ulmui kyeskee epitärhis já puástu persovntiäđuid. Nubástusiävtuttâsâid kalga toohâđ kirjálávt registertuállei.
Vuoigâdvuotâ toohâđ väidim vakšumvirgeomâhâžân (artikkâl 77)
Jis registeristum ulmuu mieldi sunjin kyeskee persovntiäđui kietâdâlmist rikkoh hiäivulijd tiätusyejinjuolgâdâsâid tâi vuoigâdvuođâi olášutmist piettâleh, adeleh äššigâsân kirjálii vástádâs piettâlem aagâst. Äššigâsâst lii vuoigâdvuotâ tuálvuđ ääši tiätusyejiváldálâžân čuávdimnáál čujottâssáin: Tietosuojavaltuutetun toimisto, PL 800, 00531 Helsinki. Täärhib ravvuuh väidim tohâmân láá tiätusyejiváldálii toimâttuv internet-siijđoin: almottâs-tiätusyejiváldálâžân.
Vuoigâdvuotâ uážžuđ tiäđu tiätutorvoluávkkáámist (artikkâl 34)
Registeristum ulmust lii vuoigâdvuotâ uážžuđ tiäđu registertuállest äšittes äjittáá talle, ko persovntiäđui tiätutorvoluávkkám viehâ vissásávt toovvât ollâ riiskâ luándulij ulmui vuoigâdvuođáid já rijjâvuođáid.
Eres persovntiäđui kietâdâlmân lohtâseijee vuoigâdvuođah (17-22 artikkâl)
Mietâmân vuáđuduvvee kietâdâllâm maasâdkeessim
Registeristum ulmust lii kuás peri vuoigâdvuotâ maasâdkeessiđ miettâm, mon sun lii adelâm, ige taat uážu vaikuttiđ miettâm vuáđuld ovdâlist čođâldittum kietâdâllâm laavâmiäldásâšvuotân.
Vuoigâdvuotâ šoddâđ vájálduđ
Ulmust puáhtá tiätu spiekâstâhtábáhtusâin leđe vuoigâdvuotâ uážžuđ persovntiäđuidis ollásávt meddâl Laapi pyereestvaijeemkuávlu registerist äšittes äjittáá toin iävttoin, ete persovntiäđuid iä innig taarbâs tooid tárguttâssáid, moi várás taid čoggii tâi moi várás taid mudoi kietâdâllii; registeristum olmooš maasâdkiäsá miettâm, moos kietâdâllâm lii vuáđudum, ige kietâdâlmân lah eres lavâlâš aggâ; persovntiäđuid láá kietâdâllâm laavâvuástásávt; tâi persovntiäđuid kalga meddâlistiđ, vâi kuárá union vuoigâdvuotân tâi aalmuglii lahâaasâtmân vuáđuduvvee lahâaasâtlii kenigâsvuođâ. Tággáár vuoigâdvuotâ ij kuittâg lah talle, ko persovntiäđui kietâdâllâm vuáđuduvá laahân tâi Laapi pyereestvaijeemkuávlun kullee almolii vääldi kevttimân.
Vuoigâdvuotâ kietâdâllâm raijiimân
Ulmust puáhtá leđe tiätu tiilijn vuoigâdvuotâ táttuđ jieijâs persovntiäđui kietâdâllâm raijim ton ááigán, ko suu tiäđuid láá ääšimiäldásávt tärhistâm já tivvoom tâi tievâsmittám.
Vuoigâdvuotâ sirdeđ tiäđuid vuáháduvâst nuubán
Vuoigâdvuotâ ij heiviittuu Laapi pyereestvaijeemkuávlu persovnregisteráid tondiet, ko persovntiäđuid láá čuággám almolii hiätun kyeskee pargo porgâmân tâi registertuállei kullee almolii vääldi kevttimân. Vuoigâdvuotâ toos, ete suu aašijn iä toovâ taggaar miärádâs, mii vuáđuduvá tuše automaatlii kietâdâlmân, tegu profilistmân já mast láá sunjin kyeskee vuoigâdvuotâvaikuttâsah tâi mii vaaikut sunjin västideijee náál merhâšittee ennuv.