Lapha liâdǥlaž äʹššeemkääzzkõõzz teâttsuõjjčiõlǥtõs
Rekisterõõʹni informâsttmõš juʹn rekisterõsttum ooumže, artikla 12 EU aalmilaž teâttsuõjj-asetõs (2016/679 artikla 13, 14)
Õlmstõttum: 11.1.2023
Rekisterõõʹnni
Lapin hyvinvointialue / aluehallitus PL 8041, 96400 Rovaniemi
Rekisteeʹr vasttõsooumaž
Ooudâsviikkâmjååʹđteeʹjj Mikko Häikiö PL 8041, 96101 Rovaniemi 040 772 7211 mikko.haikio@lapha.fi
Rekisteeʹr õhttvuõttooumaž
Kääzzkõsjååʹđteeʹjj Piia Hirvonen 040 186 0950 piia.hirvonen@lapha.fi
Teâttsuõjjvaʹstteei
Nuõrtt da vuärjjal kääzzkõsvuʹvdd, spesiaalpuõccihåidd: Teâttsuõjjvaʹstteei Eija Kivekäs 040 689 1145 Nuõrtt da ooʹbbdneǩ kääzzkõsvuʹvdd, Kolpene, Peälštemstrooiʹtel: Teâttsuõjjvaʹstteei Teija Karvonen 040 480 7809 Neʹttpååʹšt: tietosuojavastaava@lapha.fi Pååʹštaddrõs: Teâttsuõjjvaʹstteei, PL 8041, 96400 Rovaniemi.
Persoonteâđai ǩiõttʼtõõllmõõžž lääǥǥlažvuõtt
A) Takai ouddõs/Õõlmâs vääʹld âânnmõš: Lääʹjjmeâldlaž õõlǥtõs. Teâttsuõjj-asetõs 6 artikla c, e Miâsttmõš B) Rekister lij õõlmâsvaaldâšm jiõččtäättla tuâj rekister da õõlmâsvaaldâšm jiõččtäättla tuâj rekister C) Rekisteeʹr teâđaid jeät ââʹn automatisõsttum oʹdinaktuʹmmstõõǥǥid, profilâsttmõš mieʹldd looǥǥeeʹl
Persoonteâđai ǩiõttʼtõõllmõõžž miârktõs
Digitaalʼlaž äʹššeemkääzzkõõzzid taʹrjjeet jeeʹres ââʹnnem-miârktõõzzid, tõk taʹrjjee ouddmiârkkân ääiʹjvaʹrrjummšid, tiõrvâsvuõʹtte leʹbe jieʹllemvuâkka õhttneei oudd- da vuåppâmteâđaid, oudldõs- da kääzzkõsaʹrvvõõzzid, teâttstaanlaž õhttvuõđ da saaǥǥvääʹltummuž sosiaal- da tiõrvâsvuõtthuâl ämmat-tuâjjlaid, di äʹššummuž ougglõs-vuõinnlõõttmõõžž leʹbe chaat vääʹltummšin Digitaalʼlaž äʹššeemkääzzkõõzz vueiʹtlvâʹstte liâdǥla äʹššummuž sosiaal- da tiõrvâsvuõttkääzzkõõzzid. Rekister lij juʹrddum Lappi pueʹrrvââjjamvuuʹd äʹššniiʹǩǩi sosiaal- da tiõrvâsvuõttkääzzkõõzzid õhttneei teâđai di persoonteâđai vaaldšma tõn veiddsažvuõđâst, ǥu tõt taʹrjjeem kääzzkõõzz beäʹlnn lij vueiʹtlvaž
Rekisteeʹr teâttsiiskõs, kovvõs registerõsttum jooukin da personteâtt-tyyppin
Kääzzkõõzzâst noorrâm teâđ liâ: äʹššneeʹǩǩ nõmm, persontiõtt, teʹlfon-nââmar, neʹttpååʹštaddrõs, ämmatoummu nõmm, kääzzkõõzzi čõõđ viikkmõõžžâst šõddâm teâđ liâ ǩidd tõʹst, måkam siiskõsnallšeʹmmen kääzzkõs taʹrjjeet. Õõʹnni vuäitt âʹlnn ââʹnned mäʹtǩǩteʹlfonââmres di neʹttpååʹštaddrõõzzâs kääzzkõõzzâst. Täid teâđaid vueiʹtet ââʹnned kääzzkõõzzâst neʹttpååʹštin leʹbe teʹksttsaaǥǥin tååimtum iʹlmmtõõzzi leʹbe ǩeeitas-saaǥǥi vuõltteem diõtt. Täujja äʹššeemkääzzkõʹsse ǩeʹrjjõõttmõš da kääzzkõõzz âânnmõš õõlǥtet pâi ravvâz tobddeem-mõõntõõllmõõžž âânnmõõžž. Kääzzkõʹsse tobddeet teâttstaanlaž Suomi.fi-tobddeem ââʹneeʹl. Pieʹǩǩ digitaalʼlaž kääzzkõõzzin, ouddm. ääiʹjvaʹrrjummuš di vueʹllǥaž kõddâz õhttvuõđväʹlddemraukkmõõžž jiâ pâi õõlǥât ravvâz tobddummuž kääzzkõõzz õõʹnnʼjest, pâi tobddummša vuäitt riʹjttjed ouddmiârkkân nõmm da teʹlfon-nââmar. Kääzzkõspuuʹtʼteei mieʹrrad, måkam veiddsažvuõđâst da måkam siiskõssân kääzzkõs taʹrjjeet. Kääzzkõõzzin vuõǯǯum teâđaid vueiʹtet ruõkkâd pååđ äʹššneǩ- leʹbe puõcciteâttriâžldõʹǩǩe lääʹjjšiõttummuž soovšum naaʹlin.
Persoonteâđai teâttkääiv
Kääzzkõõzz õõʹni äʹššneeʹǩǩ puuʹtʼtem teâtt, pieʹǩǩ teâđain vueiʹtet puʹhtted ravvâz tobddummuž õhttvuõđâst meerteâttriâžldõõǥǥâst, ämmatoummu tueʹjjeem ǩeeʹrj ool piijjmõõžž äʹššneeʹǩǩ kääzzkõõzz čõõđ viikkmõõžžâst.
Personteâđai luõvtummuž - persoonteâđai vuâsttavaʹlddi
Personteâđai vuâsttavaʹlddi liâ Sosiaal- da tiõrvâsvuõtthuâl ämmat-tuâjjla. Teâđaid jeät vuâkkõõzzmeâldlânji luõvât.
Teâđai serddmõš EU leʹbe ETA åålǥbeälla/ kuälmsid jânnmid
Teâđaid jeät seerd Eu leʹbe Eta-vuuʹd åålǥbeälla. Jõs teâđ feʹrttje seʹrdded, suåvldet Eu-teâttsuõjj-asetõõzz 44-46 artiklaid.
Teâđai seeiltummuš da seeiltemäiʹǧǧ
Digitaalʼlaž äʹššeemkääzzkõõzzi teâđ ǩeeʹrjeet äʹššneǩ- leʹbe puõcciteâttriâžldõʹǩǩe, koʹst vuâđđjurddjen lij, što teâtt seeiltet 12 eeʹjj jäämmʼmõõžž mâŋŋa leʹbe jõs ij jääʹmmemäiʹǧǧ leäkku teâđast 120 eeʹǩǩed šõddmõõžžâst, koon mâŋŋa teâđaid jaukkeed.
Teâđai suõjjõõzz vuâđđjurddi
Äʹššneeʹǩǩ kuõskki teâđaid ǩiõttʼtõõli tuâjjlain lij lääʹjjmeâldlaž jiântta-åårramõõlǥtõs. Peittastâânnmõš- da jiântta-åårramõõlǥtõs juätkkai še kääzzkõsvuõđ puuttmõõžž mâŋŋa. Rekisteeʹr teâttstaanlažvuõtt di persoonteâđai naʹddjemnallsemvuõtt, ceâlaivuõtt da ââʹnnemvuõtt ainsmââʹttet ääʹššmeâldlain teeknlaž da organisatorisnallšem tååimain. Kääzzkõõzzin lij âânnmõõžžâst õhttlõvvum tobddummuš rääʹjtum ââʹnnemvuõiggâdvuõđin tuâjai mieʹldd. Äʹššneeʹǩǩ teâđaid vuäǯǯa ǩiõttʼtõõllâd tåʹlǩ tõk tuâjjla, kook taarbše tõid äʹššneeʹǩǩ aaʹššid hååideen. Lokiteâđai vuâđald vueiʹtet mâʹŋŋlubust ainsmâʹtted da tuõđted ǩeän tååimast persoonteâđ liâ ruõkkum, muttum leʹbe sirddum. Tobddummšin ââʹnet takainalla soti-ämmatkoort. Teâttjååttlõk lij suõjjuum da tuõrvvum. Digitaalʼlaž äʹššeemkääzzkõõzzi âânnmõõžžad tueʹjjeet kääzzkõspuõđlaž liâdǥlaž äʹššeem suåppmõš. Kääzzkõõzzi õõʹnni lij õõlǥtum ââʹnned kääzzkõõzz täi ââʹnnem-määinai, EU aalmilaž teâttsuõjj, meersaž lääʹjjšiõttummuž, veʹrǧǧneǩmeäʹrtõõzzi da pueʹr naaʹli meâldlânji
REKISTERÕSTTUM OUMMU VUÕIGGÂDVUÕTT
Raukkmõš âlgg tueʹjjeed ǩeerjliʹžžen rekisteeʹr õõʹni õhttvuõttoummuid. Vuäppõs da lomaakk jeeʹres raukkmõõžži raajjmõʹšše käunnʼje Lappi Pueʹrrvââjjamvuuʹd neʹttseeidain Teâđvuäǯǯamvuõiggâdvuõtt.
Rekisterõsttum oummu tääʹrǩstemvuõiggâdvuõtt (artikla 15)
Rekisteeʹrest åårrai oummust lij vuõiggâdvuõtt tääʹrǩsted, måkam teâđ suʹst liâ rekisteeʹrest. Lââʹssen rekisterõsttum oummust lij vuõiggâdvuõtt vuäǯǯad suu kuõskki persoonteâđaid, koid son lij tååimtam rekisteeʹr õõʹnnʼja, jueʹjjeeʹl miârktõõzz meâldlaid vuõʹzzid, aalmlânji õnnum da automaattlânji lookkâmnalla åårrai hääʹmest.
Vuõiggâdvuõtt äännad teâđ koʹrjjummuž (artikla 16)
Rekisterõsttum oummust lij vuõiggâdvuõtt äännad, što rekisteeʹr õõʹni vuõiǥad krååʹma mââʹjeem suu kuõskki panntääʹrǩid da vââǥǥlaid persoonteâđaid. Muuttâsehdtõõzz tueʹjjeet ǩeerjlânji rekisteeʹr õõʹnnʼja.
Vuõiggâdvuõtt tueʹjjeed läittmõš vuåppâmveʹrǧǧnekka (artikla 77)
Jõs rekisterõsttum ooumaž ǩeäčč, što suu kuõskki persoonteâđai ǩiõttʼtõõllmõõžžâst tueʹjjeed veäʹr lääʹjj vuâstta suåppi teâttsuõjjšiõttõõllmõõžž leʹbe vuõiggâdvuõđi teâuddjummšest ǩeâlddõõđât, uuʹdet äʹššnekka ǩeerjlaž vasttõs ǩeâlddõõttmõõžž vuâđast. Äʹššneeʹǩǩest lij vuõiggâdvuõtt viikkâd äʹšš teâttsueʹjjväʹlddneeʹǩǩ räʹtǩǩeem diõtt addrõõzzin: Tietosuojavaltuutetun toimisto, PL 800, 00531 Helsinki. Tääʹrǩab raʹvvjõs läittmõõžž raajjmõʹšše käunnai teâttsueʹjjväʹlddneeʹǩǩ konttâr interneʹtt-seeidain ilmoitus-tietosuojavaltuutetulle (iʹlmmtõs-teâttsuõjjväʹlddnekka)
Vuõiggâdvuõtt vuäǯǯad teâtt teâttstaan-neuʹrrummšest (artikla 34)
Rekisterõsttum oummust lij vuõiggâdvuõtt vuäǯǯad teâtt rekisteeʹr õõʹnnʼjest määiʹnteʹmes mââʹjõõzztaa, ǥu persoonteâđai teâttstaanneuʹrrummuš vueʹrddmest åårrjen tueʹjjad riisk luândlaž oummui vuõiggâdvuõđid da väʹlddvuõđid.
Jeeʹres persoonteâđai ǩiõttʼtõõllmõʹšše õhttneei vuõiggâdvuõđ (17-22 artikla)
Miâsttmõʹšše vuâđđõõvvi ǩiõttʼtõõllmõõžž jårrâsttmõš
Rekisterõsttum oummust lij vuõiggâdvuõtt jårrâʹstted uʹvddmes miâsttmõš kuäʹss täättas tän vaaikteǩani miâsttmõõžž vuâđald ouddâl tän spraavum ǩiõttʼtõõllmõõžž lääʹjjmeâldlažvuõʹtte.
Vuõiggâdvuõtt šõddâd väjldâʹttemnalla
Oummust vuäitt tiõttum čoʹrstemvuõʹjjin leeʹd vuõiggâdvuõtt vuäǯǯad jaukkeed persoonteâđeez obbnes Lappi pueʹrrvââjjamvuuʹd rekisteeʹrest määiʹnteʹmes mââʹjõõzztaa oudldeeʹl, što persoonteâđaid jeät taarbâž teänab nåkam miârktõõzzid, kooi diõtt tõid noʹrreš leʹbe kooi diõtt tõid muđoi ǩiõttʼtõʹlleš; rekisterõõvvâm ooumaž jårrâstt miâsttmõõžž, koozz ǩiõttʼtõõllmõš lij vuâđđõõvvâm, jiâ-ǥa ǩiõttʼtõõllmõʹšše leäkku jeeʹres lääǥǥlaž vuâđ; persoonteâđ liâ ǩiõttʼtõllum lääʹjjvuâsttsânji; leʹbe persoonteâđ âʹlǧǧe jaukkeed unioon vuõiggâdvuõʹtte leʹbe meersaž lääʹjjšiõttummša vuâđđõõvvi lääʹjjmeâldlaž õõlǥtõõzz jääʹǩǩtem diõtt. Näkam vuõiggâdvuõđ jiâ kuuitâǥ leäkku tâʹl ǥu persoonteâđai ǩiõttʼtõõllmõš vuâđđââvv läkka leʹbe Lappi pueʹrrvââjjamvoudda kuulli õõlmâs vääʹld âânnmõʹšše.
Vuõiggâdvuõtt ǩiõttʼtõõllmõõžž rääʹjtummša
Oummust vuäitt tiõttum vuõʹjjin leeʹd vuõiggâdvuõtt raukkâd persoonteâđai ǩiõttʼtõõllmõõžž rääʹjtummuž tõn pââʹj, poka suu teâđ liâ ääʹššmeâlddsânji tääʹrǩstum da koʹrjjuum leʹbe tiudduum.
Vuõiggâdvuõtt seʹrdded teâđ riâžldõõǥǥâst nobba
Vuõiggâdvuõđ jeät suåvtuku Lappi pueʹrrvââjjamvuuʹd personrekisteeʹrid õhttneeʹl, ǥu persoonteâđaid leät norrum takai ouddõõzz kuõskki tuâj spraavdõõttâm diõtt leʹbe rekisteeʹr õõʹnnʼja kuulli õõlmâs vääʹld âânnmõššân. Vuõiggâdvuõtt leeʹd jooudǩani nåkam tuʹmmstõõǥǥ sââʹjjen, kååʹtt vuâđđââvv tåʹlǩ automaattlaž ǩiõttʼtõõllmõʹšše, diǥu profilâsttmõʹšše da ǩeäʹst liâ suu kuõskki vuõiggâdvuõttvaaiktõõzz leʹbe kååʹtt vaaikat suʹnne vaʹstteei naaʹlin miârkteeinalla.